香脆可口的咖哩吉列豬排，佢一定有份~~~

東園

類別 :

港式

• 
  正，香脆又有肉汁
  

其實，日日下晝都晌東園食飯已經變成我既飯堂一樣，都冇諗住寫D咩評下佢。但希望話俾大家知晌尖沙咀食野，好食的唔一定要貴。

首先，要推介他們的咖哩吉列豬排飯，呢樣食物好多地方有得食，但唔係一定做得好食。但係呢度既咖哩吉豬，一定唔會令人失望。

他們的秘制咖哩汁，香濃但不會辣，適合大人及小朋友。 吉列豬排即叫即整，入口時香脆，豬排炸得剛剛好，唔會干晒，仲有肉汁。

加上一杯凍奶茶，正呀。但係記得要小甜，我會叫小小甜，因為水吧大哥落甜都幾重手呀。

金滿軒

同老婆和佢朋友和朋友的老公食飯，唔知食咩。行下行到華都﹕，大概七點，行到金满軒門口，見佢有位咪諗住試下。

因為未幫襯過唔知點咩好，睇住張點心紙，就點大路野一定唔會衰啦，我地點了咸肉泡飯、小籠包、火煺津白、糖醋蝦仁、砂碢雲飩雞(半隻)五樣。

一開始咸肉泡飯先到，無驚喜，只係將湯淋上飯度。一般

跟住係火煺津白，火煺咸味好重，配白飯食，應該都OK

糖醋蝦仁同砂碢雲飩雞一齊上，蝦仁應係急凍果D，無蝦味，糖醋就淨係得酸味。有D期待的雲飩雞，可惜都係一般，雞肉好鞋，雲飩無味。

最後，就到小籠包出場，皮唔夠薄，無肉汁，一般，唔推介。

總括而言，金满軒只屬一般，試過就算。